ചങ്ങരംകുളം: കോക്കൂരില്‍ പെണ്‍മിത്ര അഞ്ചേക്കറില്‍ ജൈവ നെല്‍കൃഷിക്കു തുടക്കംകുറിച്ചു. ജൈവ കൃഷി ഇറക്കാനായി രൂപീകരിച്ച പത്തംഗങ്ങളുള്ള പെണ്‍മിത്രയുടെ ആദ്യസംരഭമാണ് കോക്കൂര്‍ പാടത്ത് കൃഷിയിറക്കിരിക്കുന്നത്. കൃഷിയില്‍ മുന്‍പരിചയമില്ലാത്ത ഈ വനിതാ കൂട്ടായ്മ വിഷരഹിത ഭക്ഷണത്തിനായാണ് നെല്‍കൃഷിക്കൊരുങ്ങിയത്.
പാട്ടത്തിനെടുത്ത ഭൂമിയിലാണ് കൃഷി നടത്തുന്നത്. കൃഷി വിജയമായാല്‍ വരുംവര്‍ഷങ്ങളിലും കൂടുതല്‍ സ്ഥലങ്ങളില്‍ കൃഷിയിറക്കുമെന്ന് ഇവര്‍ പറഞ്ഞു.
മഴയെ മാത്രം ആശ്രയിച്ച് ജലസേചന സൗകര്യമൊരുക്കാന്‍ കഴിയില്ലെന്നും ജലസേചന സൗകര്യമൊരുക്കാന്‍ അധികൃതര്‍ തയാറാകണമെന്നും ഇവര്‍ ആവശ്യപ്പെട്ടു.
സീനത്ത് കോക്കൂര്‍, ഷൈനി മന്‍സൂര്‍, ഷാഹിദ ഗഫൂര്‍, സ്വാലിഹ, റബീന, മുഹ്‌സിന, സൗദ മുഹമ്മദ്കുട്ടി, കല്ല്യാണി, സുബിത, ലത എന്നിവരാണ് പെണ്‍മിത്ര അംഗങ്ങള്‍.