ചെറുതോണി; കമ്പത്ത് നിന്നും പെരുമ്പാവൂരിലേക്ക് പച്ചക്കറിയുമായി വന്ന ചരക്ക് ലോറി പുഴയിലേക്ക് മറിഞ്ഞ് ഒരാള്‍ക്ക് പരിക്കേറ്റു. ലോറി ക്ലീനര്‍ തമിഴ്‌നാട് ചിന്നമന്നൂര്‍ സ്വദേശി മരക്കാര്‍(38)നെ ജില്ലാ ആശുപത്രിയില്‍ പ്രവേശിപ്പിച്ചു. ഇയാളുടെ പരിക്ക് ഗുരുതരമല്ലത്തതിനാല്‍ പ്രാഥമിക ചികില്‍സ നല്‍കി വിട്ടയച്ചു.
ഇന്നലെ പുലര്‍ച്ചെ 3.30ന് തൊടുപുഴ -പുളിയന്‍മല  സംസ്ഥാന ഹൈവേയില്‍ ചെറുതോണി പാലത്തിന് സമീപം പുഴയിലേക്കാണ് ലോറി മറിഞ്ഞത്.
ലോഡുമായി വന്ന ലോറിയുടെ  ബ്രേക്ക് തകരാറായതിനെ തുടര്‍ന്ന് ആലുംചുവട് ശ്രീക്യഷ്ണ സ്വാമി ക്ഷേത്രത്തിന് സമീപം വാഹനം നിര്‍ത്തി ഡ്രൈവര്‍ കട്ടപ്പന സ്വദേശി പുളിമൂട്ടില്‍ ബിജു ഇറങ്ങി പരിശോധിക്കുന്നതിനിടയില്‍ ക്ലീനര്‍ മരക്കാര്‍ ലോറി സ്റ്റാര്‍ട്ട് ചെയ്യുകയായിരുന്നു. ഇതേത്തുടര്‍ന്ന് ലോറി നിയന്ത്രണം വിട്ട് മുന്നന്നോട്ട് നീങ്ങി. ഒരു കിലോമീറ്ററോളം നിയന്ത്രണം വിട്ട് ഓടിയ ലോറി പാലത്തിന് സമീപം പുഴയിലേക്ക് മറിയുകയായിരുന്നു. ടൗണില്‍ ഉണ്ടായിരുന്ന മല്‍സ്യകച്ചവടക്കാരും പട്രോളിംങിന് ഇറങ്ങിയ പൊസുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.