ഈരാറ്റുപേട്ട : കാരയ്ക്കാട് കരീം സാഹിബ് മെമ്മോറിയല്‍ ബോയിസ് ഹൈസ്‌കൂളില്‍ നിന്നും ഉപജില്ല വോളിബോള്‍ ടീമിലേക്ക്  തെരഞ്ഞെടുക്കപ്പെട്ട ഷെഹിന്‍ സുബൈര്‍, മുഹമ്മദ് അന്‍സിബ്, വസീം സലാം എന്നീ വിദ്യാര്‍ഥികളെ  സ്‌കൂളില്‍ നടന്ന ചടങ്ങില്‍  മാനേജ്‌മെന്റും  പി.ടി.എ കമ്മറ്റിയും അനുമോദിച്ചു. ഉപജില്ലാ മത്സരത്തില്‍ പങ്കെടുത്ത് മികച്ച പ്രകടനം കാഴ്ച്ചവെച്ച ടീം അംഗങ്ങളെയും ചടങ്ങില്‍  അഭിനന്ദിച്ചു.  മാനേജ്‌മെന്റിന്റെ ഉപഹാരം സ്‌കൂള്‍ മാനേജര്‍ കെ.എ. അഷ്‌റഫും പി.ടി.എ. കമ്മറ്റിയുടെ ഉപഹാരം  പ്രസിഡന്റ് നിജാസ് വലിയവീട്ടിലും നല്‍കി.  സോഫിയമ്മ മാത്യു, മുബീന നജീബ് സംസാരിച്ചു.