കോഴിക്കോട്: സ്വാശ്രയ മാനേജ്‌മെന്റുകളുടെ പകല്‍കൊള്ളയ്ക്കു സര്‍ക്കാര്‍ കൂട്ടുനില്‍ക്കുകയാണെന്ന് ആരോപിച്ച് സെക്രട്ടറിയേറ്റിനു മുന്നില്‍ അനിശ്ചിതകാല നിരാഹാരം നടത്തുന്ന യൂത്ത് കോണ്‍ഗ്രസ് നേതാക്കള്‍ക്ക് ഐക്യദാര്‍ഢ്യം പ്രഖ്യാപിച്ച് യൂത്ത് കോണ്‍ഗ്രസ് കോഴിക്കോട് പാര്‍ലമെന്റ് കമ്മിറ്റി നഗരത്തില്‍ പന്തം കൊളുത്തി പ്രകടനം നടത്തി. ഡി.സി.സി ഓഫിസ് പരിസരത്തു നിന്ന് ആരംഭിച്ച പ്രകടനം കെ.എസ്.ആര്‍.ടി.സി ബസ് ടെര്‍മിനല്‍ പരിസരത്തു സമാപിച്ചു.
യൂത്ത് കോണ്‍ഗ്രസ് കോഴിക്കോട് പാര്‍ലമെന്റ് കമ്മിറ്റി പ്രസിഡന്റ് പി.പി നൗഷിര്‍ പ്രകടനത്തിനു നേതൃത്വം നല്‍കി. പന്തംകൊളുത്തി പ്രകടനത്തില്‍ പ്രസാദ് അമ്പലക്കോത്ത്, സവിന്‍മോനു, ധനീഷ് ലാല്‍, ആര്‍. ഷഹിന്‍, വി.പി ദുല്‍ക്കിഫില്‍, റിഷില്‍ ബാബു, ജെയ്‌സല്‍ അത്തോളി, അഭിജിത്ത് അത്തോളി പങ്കെടുത്തു.