തേഞ്ഞിപ്പലം: ദേശീയപാത പാണമ്പ്ര അങ്ങാടിയില്‍ കാര്‍ വൈദ്യുതി പോസ്റ്റിലിടിച്ച് അപകടം. അപകടത്തില്‍ കാര്‍ യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. ഇന്നലെ പുലര്‍ച്ചെ മൂന്നോടെയായിരുന്നു അപകടം.
കണ്ണൂര്‍ കൂത്തുപറമ്പ് സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്. ഇവര്‍ മൂന്നാറില്‍ വിനോദയാത്രയ്ക്കു പോയി മടങ്ങവേയാണ് അപകടം. എതിര്‍ദിശയില്‍നിന്നു മറ്റൊരുവാഹനത്തെ മറികടന്ന് അമിതവേഗതയില്‍ വന്ന കണ്ടെയ്‌നര്‍ ലോറിക്കു സൈഡ് കൊടുക്കവേ നിയന്ത്രണംവിടുകയായിരുന്നു.
ഇടിയുടെ ആഘാതത്തില്‍ കാറിന്റെ മുന്‍ഭാഗം ഭാഗികമായി തകര്‍ന്നു. അപകടത്തെ തുടര്‍ന്നു പ്രദേശത്തു വൈദ്യുതി വിതരണവും തകരാറിലായി.








.