തിരൂരങ്ങാടി: മാധ്യമപ്രവര്‍ത്തകനെയും മാതാവിനെയും വീട്ടില്‍കയറി ആക്രമിച്ച സംഭവത്തില്‍ പൊലിസ് കേസ്സെടുത്തു. കൊടിഞ്ഞി തിരുത്തി സ്വദേശി പാട്ടശ്ശേരി ഹുസൈന്‍, കണ്ടാലറിയാവുന്ന മറ്റുമുപ്പതോളം പേര്‍ എന്നിവര്‍ക്കെതിരേയാണ് തിരൂരങ്ങാടി പൊലിസ് കേസ്സെടുത്തത്. തിങ്കളാഴ്ച രാത്രിയാണ് സംഭവം. മാധ്യമം ദിനപത്രം സബ്എഡിറ്റര്‍ മച്ചിങ്ങല്‍ അഷ്ഫാഖ്, മാതാവ് ഖദീജ എന്നിവരുടെ പരാതിയിലാണ് കേസ്. ഹുസൈന്റെ നേതൃത്വത്തില്‍ വീട്ടിലെത്തിയ സംഘം തങ്ങളെ ആക്രമിക്കുകയും വികലാംഗയായ സഹോദരിയെ കൊല്ലുമെന്ന് ഭീഷണി മുഴക്കിയതായും പരാതിയില്‍ പറയുന്നു.