എരുമപ്പെട്ടി: കാറില്‍ കടത്തുകയായിരുന്ന രണ്ട് കിലോ കഞ്ചാവുമായി യുവാവിനെ എരുമപ്പെട്ടി പൊലിസ് അറസ്റ്റ് ചെയ്തു. പാലക്കാട് കൊപ്പം നരുക്കുത്തി സ്വദേശി റിസ്‌വാന്‍ (22)നെയാണ് എരുമപ്പെട്ടി എസ്.ഐ പി.ഡി അനൂപ്‌മോന്റെ നേതൃത്വത്തില്‍ പൊലിസ് അറസ്റ്റ് ചെയ്തത്.
എരുമപ്പെട്ടി മേഖലയില്‍ യുവാക്കളിലും വിദ്യാര്‍ഥികളിലും കഞ്ചാവിന്റെ ഉപയോഗം വര്‍ധിച്ച് വരുന്നതിനെ കുറിച്ചുള്ള മാധ്യമ വാര്‍ത്തകള്‍ ശ്രദ്ധയില്‍ പെട്ട വീട്ടമ്മ കുന്നംകുളം സി.ഐ രാജേഷ്.കെ.മേനോന് നല്‍കിയ രഹസ്യ വിവരത്തിന്റെ അടിസ്ഥാനത്തില്‍ പൊലിസ് നടത്തിയ വാഹന പരിശോധനയിലാണ് കഞ്ചാവുമായി റിസ്‌വാന്‍ പിടിയിലായത്. സംശയം തോന്നിയ മാരുതി ആള്‍ട്ടോ കാര്‍ മങ്ങാട് മുട്ടിക്കലിന് സമീപം വെച്ച് പൊലിസ് തടഞ്ഞപ്പോള്‍ പ്രതി കാര്‍ നിര്‍ത്താതെ ഓടിച്ച് പോവുകയായുരുന്നു.
കാറിനെ പിന്തുടര്‍ന്ന പൊലിസ് മങ്ങാട് ചാത്തംകുളത്തിന് സമീപം വച്ച് പിടികൂടുകയായിരുന്നു. കോളജുകളും സ്‌കൂളുകളും കേന്ദ്രീകരിച്ച് കഞ്ചാവ് വില്‍പ്പന നടത്തുന്ന സംഘത്തിലെ കണ്ണിയാണ് പിടിയിലായ റിസ്‌വാന്‍. കുന്നം ഡി.വൈ.എസ്.പി, സി.ഐ എന്നിവരുടെ നേതൃത്വത്തില്‍ കഞ്ചാവ് മാഫിയക്കെതിരെ ശക്തമായ നടപടികളാണ് സ്വീകരിച്ച് വരുന്നത്. ഇതിന്റെ ഫലമായി അടുത്തിടെ അമ്പതിലതികം കഞ്ചാവ് കേസുകള്‍ പിടികൂടാന്‍ കഴിഞ്ഞിട്ടു@ണ്ട്.
എരുമപ്പെട്ടി അഡീഷനല്‍ എസ്.ഐ എ.എ തങ്കച്ചന്‍, പൊലിസ് ഉദ്യോഗസ്ഥരായ ജലീല്‍, ബാബുരാജ്, സുദേവ്, ആസിഫ്, രാഗേഷ്, ബിജു എന്നിവരും പ്രതിയെ പിടികൂടിയ സംഘത്തില്‍ ഉണ്ട@ായിരുന്നു.