കോട്ടയം: ലോകവയോജനദിനത്തോടനുബന്ധിച്ച് ഒക്‌ടോബര്‍ ഒന്നിന് കോട്ടയം മാമന്‍ മാപ്പിളഹാളില്‍ നടക്കുന്ന ജില്ലാതല ആഘോഷ പരിപാടിയില്‍ ജില്ലയിലെ ഏറ്റവും മുതിര്‍ന്ന പൗരന്‍മാരെ ആചരിക്കും.
ജില്ലാ ഭരണകൂടം, ജില്ലാപഞ്ചായത്ത്, സാമൂഹ്യ നീതി വകുപ്പ്, കോട്ടയം നഗരസഭ, എന്നിവയുടെ സംയുക്താഭിമുഖ്യത്തിലാണ് ചടങ്ങ് സംഘടിപ്പിക്കുന്നത്.  
വയോജനങ്ങളുടേയും അവരുടെ കൊച്ചുമക്കളുടേയും കലാപരിപാടികള്‍, ക്ലാസുകള്‍, വയോജന സംരക്ഷണ വിഷയത്തില്‍ വിദ്യാര്‍ത്ഥികളെ പങ്കെടുപ്പിച്ച് മത്സരങ്ങള്‍ എന്നിവ ഉണ്ടായിരിക്കും.