തിരുവനന്തപുരം: ഈ വര്‍ഷത്തെ നവരാത്രി ഘോഷയാത്രയുടെ വിപുലമായ നടത്തിപ്പിനു സ്വീകരിക്കേണ്ട നടപടികള്‍ അവലോകനം ചെയ്യുന്നതിനായുള്ള യോഗം ദേവസ്വം മന്ത്രി കടകംപള്ളി സുരേന്ദ്രന്റെ അധ്യക്ഷതയില്‍ സെക്രട്ടേറിയറ്റ് ദര്‍ബാര്‍ ഹാളില്‍ നടന്നു.
ഇതു സംബന്ധിച്ചു കഴിഞ്ഞ മാസം 22നു ചേര്‍ന്ന വിവിധ വകുപ്പുദ്യോഗസ്ഥരുടെ യോഗത്തില്‍ എടുത്ത തീരുമാനങ്ങളുടെ പുരോഗതിയെക്കുറിച്ച് മന്ത്രി ഉദ്യോഗസ്ഥരില്‍ നിന്നു വിശദീകരണം തേടി. തമിഴ്‌നാട് കേരള സര്‍ക്കാരുകളുടെ വിവിധ വകുപ്പുകളെ ഏകോപിപ്പിച്ചാണു ഘോഷയാത്ര സംഘടിപ്പിക്കുന്നതെന്ന് മന്ത്രി പറഞ്ഞു.
സെപ്റ്റംബര്‍ 29ന് ആരംഭിക്കുന്ന ഘോഷയാത്ര കടന്നുപോകുന്ന സ്ഥലങ്ങളിലെല്ലാം മെഡിക്കല്‍ ടീമും ആംബുലന്‍സും ഉള്‍പ്പെടെയുള്ള എല്ലാ സൗകര്യങ്ങളുമൊരുക്കാന്‍ വിവിധ വകുപ്പുകളോട് ആവശ്യപ്പെട്ടിട്ടുണ്ട്.