കൊച്ചി: നാഷണല്‍ എംപ്ലോയ്‌മെന്റ് സര്‍വീസ് വകുപ്പിന്റെ കീഴില്‍ എറണാകുളത്ത് പ്രവര്‍ത്തിക്കുന്ന കോച്ചിങ് കം ഗൈഡന്‍സ് സെന്റര്‍ ഫോണ്‍ എസ്.സി എസ്.ടി എന്ന സ്ഥാപനം വിവിധ തസ്തികകള്‍ക്കുളള മത്സര പരീക്ഷകള്‍ക്ക് പ്രാപ്തരാക്കുന്നതിനും ആത്മ വിശ്വാസം വര്‍ധിപ്പിക്കുന്നതിനും 25 ദിവസം ദൈര്‍ഘ്യമുളള പരിശീലന ക്ലാസിലേക്ക് അപേക്ഷ ക്ഷണിച്ചു. ബാങ്കിങ് സര്‍വീസ് റിക്രൂട്ട്‌മെന്റ് ബോര്‍ഡ്, പി.എസ്.സി, സ്റ്റാഫ് സെലക്ഷന്‍ കമ്മിഷന്‍, കോഓപ്പറേറ്റീവ് റിക്രൂട്ട്‌മെന്റ് ബോര്‍ഡ്, റയില്‍വെ തുടങ്ങിയ പരീക്ഷകള്‍ക്ക് തയാറാകുന്ന ഉദ്യോഗാര്‍ഥികള്‍ക്ക് അപേക്ഷിക്കാം.വിദഗ്ധരായ അധ്യാപകര്‍ നയിക്കുന്ന ക്ലാസുകളില്‍ ഗണിതം, പൊതു വിജ്ഞാനം, മാനസിക വിശകലനശേഷി, ഇംഗ്ലീഷ് തുടങ്ങിയ വിഷയങ്ങളിലെ എളുപ്പ മാര്‍ഗങ്ങള്‍ പരിശീലിപ്പിക്കുന്നു.
അപേക്ഷകര്‍ ഏതെങ്കിലും ഡിഗ്രി പാസായവരും 18 നും 41 നും മധ്യേ പ്രായമുളള എറണാകുളം, കോട്ടയം, ഇടുക്കി, തൃശൂര്‍, ആലപ്പുഴ ജില്ലകളിലെ പട്ടികജാതിവര്‍ഗ ഉദ്യോഗാര്‍ഥികളായിരിക്കണം. വിശദ വിവരങ്ങള്‍ക്ക് 2312944 നമ്പരില്‍ ബന്ധപ്പെടാം. ആദ്യം രജിസ്റ്റര്‍ ചെയ്യുന്ന 40 പേര്‍ക്കായിരിക്കും പ്രവേശനം. അപേക്ഷ സ്വീകരിക്കുന്നതിനുളള അവസാന തീയതി സപ്തംബര്‍ 30.
കൊച്ചി: കളമശേരി ഗവ. വനിതാ ഐടി ഐയില്‍ ഡി.ടി.പി, എം എസ് ഓഫീസ് ആന്റ് ഡാറ്റാ എന്‍ട്രി, ടോട്ടല്‍ സ്റ്റേഷന്‍ സര്‍വെയിങ്, അക്കൗണ്ട് അസിസ്റ്റന്റ് യൂസിങ് ടാലി, ഫാഷന്‍ ഡിസൈനിങ് ആന്‍ഡ് ഗാര്‍മെന്റ് മേക്കിങ്(സ്ത്രീകള്‍ക്കു മാത്രം), ഓട്ടോകാഡ് 2 ഡി  കോഴ്‌സുകളിലേക്ക് അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് ഫോണ്‍: 8301901964