ചേളാരി: മേലെചേളാരി, ചെനക്കലങ്ങാടി എന്നിവിടങ്ങളിലെ 50പരം ഓട്ടോറിക്ഷകള്‍ ഇന്ന് ഓടുന്നതു കാരുണ്യവഴിയില്‍. മേലേചേളാരിയിലെ ഓട്ടോഡ്രൈവര്‍ ക്യാന്‍സര്‍രോഗംപിടിപെട്ട് അവശനിലയില്‍ ചികില്‍സയിലിരിക്കുകയാണ്. ഇദ്ദേഹത്തിനു കൈത്താങ്ങായാണ് ഇവിടത്തെ മുഴുവന്‍ ഓട്ടോറിക്ഷകളും ഇന്നത്തെ വേതനം ചികില്‍സയ്ക്കായി നല്‍കുന്നത്. സ്റ്റാന്‍ഡിലും മറ്റുമായി ഓട്ടോകളില്‍ പ്രത്യേക ബോര്‍ഡ് ഘടിപ്പിച്ചാണു സര്‍വിസ് നടത്തുന്നത്. ഫണ്ട് വിജയിപ്പിക്കണമെന്നു ചെയര്‍മാന്‍ രാധാകൃഷ്ണനും കണ്‍വീനര്‍ പി.കെ റാഫിയും അറിയിച്ചു.