കല്‍പ്പറ്റ: തെരുവുനായയുടെ ആക്രമണത്തില്‍ യുവാവിന് പരുക്കേറ്റു. മുണ്ടേരി സ്വദേശി വാസുദേവന്റെ മകന്‍ ശ്യാം ആസ്മിക്കാണ് പരുക്കേറ്റത്. ടൗണില്‍ നില്‍ക്കുകയായിരുന്ന ഇയാളെ തെരുവ് നായ ആക്രമിക്കുകയായിരുന്നു. ഇടത് കൈക്കാണ് പരുക്കേറ്റത്. ഇയാള്‍ കല്‍പ്പറ്റ ജനറല്‍ ആശുപത്രിയില്‍ ചികില്‍സ തേടി. പ്രദേശത്ത് തെരുവുനായ ശല്യം രൂക്ഷമാണ്. മരവയല്‍, നെടുങ്ങാട് പ്രദേശങ്ങളില്‍ കൂട്ടമായാണ് തെരുവുനായ്ക്കള്‍ സഞ്ചരിക്കുന്നത്. ഭീതികാരണം മദ്രസാ വിദ്യാര്‍ഥികള്‍ക്കൊപ്പം രക്ഷിതാക്കളും പോവുകയാണ്. മുണ്ടേരി ടൗണും പലപ്പോഴും തെരുവുനായ കീഴടക്കുയാണെന്ന് നാട്ടുകാര്‍ പറയുന്നു.