കൂത്തുപറമ്പ്: പാതിരിയാട്ട് ബോംബെറിഞ്ഞ് ഭീതിപരത്തി ആര്‍.എസ്.എസ് പ്രവര്‍ത്തകന്റെ ബൈക്ക് കത്തിച്ചു. പടുവിലായി പടിഞ്ഞാറേ വീട്ടില്‍ സായൂജിന്റെ ബൈക്കാണ് ഇന്നലെ പുലര്‍ച്ചെ ഒന്നരയോടെ പാതിരിയാട് എം.ഒ.പി റോഡിലെ വാട്ടര്‍ ടാങ്കിനു മുന്‍വശം വച്ച് ഒരു സംഘം കത്തിച്ചത്. രïാഴ്ച മുമ്പ് ഇവിടെ വച്ച് വെട്ടേറ്റ ആര്‍.എസ്.എസ് പ്രവര്‍ത്തകന്‍ നവജിത്തിന്റെ സഹോദരിയുടെ വിവാഹത്തോടനുബന്ധിച്ചുള്ള വള കൈമാറ്റ ചടങ്ങില്‍ പങ്കെടുത്ത ശേഷം വീട്ടിലേക്കു ബൈക്കില്‍ മടങ്ങുകയായിരുന്നു സായൂജ്. വാട്ടര്‍ടാങ്കിന് മുന്‍വശത്തെത്തിയപ്പോള്‍ ഒരു സംഘം റോഡില്‍ ബോംബെറിഞ്ഞു ഭീതി പരത്തുകയായിരുന്നു. ഉടന്‍ ഇയാള്‍ ബൈക്ക് സ്ഥലത്ത് ഉപേക്ഷിച്ച് ഓടി രക്ഷപ്പെട്ടു. വിവരമറിഞ്ഞ് പൊലിസ് സ്ഥലത്തെത്തുമ്പോള്‍ ഇയാളുടെ ബൈക്ക് കത്തുന്നതാണ് കïത്. ബൈക്ക് പൂര്‍ണമായും കത്തിനശിച്ചു. കൂത്തുപറമ്പ് സി.ഐ സുരേഷ് ബാബു, അഡീഷണല്‍ എസ്.ഐ രാമചന്ദ്രന്‍ എന്നിവര്‍ സ്ഥലത്തെത്തി അന്വേഷണം നടത്തി.