കാസര്‍കോട്: മാധവേട്ടന്റെ വിയോഗത്തിലൂടെ പുതിയ തലമുറക്ക് നഷ്ടമായത് ഗുരുനാഥനെയാണെന്ന് പി കരുണാകരന്‍ എം.പി. സ്വാതന്ത്ര്യ സമര സേനാനി എന്ന നിലയില്‍ ദേശീയതലത്തിലും മാധവേട്ടന്‍ അംഗീകരിക്കപ്പെട്ടു. കക്ഷി രാഷ്ട്രീയത്തിന് അതീതമായി എല്ലാ ജനവിഭാഗങ്ങളുമായി അടുത്ത ബന്ധം പുലര്‍ത്തിയിരുന്നുവെന്നത് അദ്ദേഹത്തിന്റെ പ്രത്യേകതയാണ്. ത്യാഗത്തിന്റേയും അറിവിന്റേയും ആവേശത്തിന്റേയും പ്രതീകമായി കാഞ്ഞങ്ങാട്ടുകാരുടെ പ്രിയപ്പെട്ട മാധവേട്ടന്‍ വിടപറയുമ്പോഴുള്ള നഷ്ടം നികത്താന്‍ കഴിയുന്നതല്ലെന്നും അദ്ദേഹം  അനുശോചന സന്ദേശത്തില്‍ പറഞ്ഞു.