വള്ളിക്കുന്ന്: എതിരെ വന്ന ബൈക്ക് യാത്രക്കാരെ രക്ഷിക്കാന്‍ ശ്രമിക്കുന്നതിനിടെ മീന്‍വണ്ടി അപകടത്തില്‍പ്പെട്ടു. അത്താണിക്കല്‍ ഭാഗത്ത് നിന്നു ബേപ്പൂര്‍ ജെട്ടിയിലേക്ക് ഐസ് കൊണ്ടുപോകുകയായിരുന്ന മീന്‍ വണ്ടിയാണ് ആനയറങ്ങാടി അങ്ങാടിയില്‍ അപകടത്തില്‍പ്പെട്ടത്. വണ്ടിയിലുണ്ടായിരുന്ന ക്ലീനര്‍ കുട്ടുവിന്റെപുരക്കല്‍ മുഹമ്മദ് റാഫിയെ (43) പരുക്കുകളോടെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. ഡ്രൈവര്‍ പരുക്കുകളൊന്നുമില്ലാതെ രക്ഷപ്പെട്ടു.