മുക്കം: വല്ലാത്തായ്പാറ മഹല്ല് മുസ്‌ലിം ജമാഅത്തിന്റെ ആഭിമുഖ്യത്തില്‍ സുന്നി മഹല്ല് ഫെഡറേഷന്‍ സംസ്ഥാന ജനറല്‍ സെക്രട്ടറിയും സമസ്ത കേന്ദ്ര മുശാവറ അംഗവുമായ മുക്കം ഉമര്‍ ഫൈസിയെ നാളെ ജന്മനാട് ആദരിക്കും.
വൈകിട്ട് ഏഴിന് നടക്കുന്ന പരിപാടി കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
ചേലക്കാട് മുഹമ്മദ് മുസ്‌ലിയാര്‍, ആര്‍.വി കുട്ടിഹസന്‍ ദാരിമി, നാസര്‍ ഫൈസി കൂടത്തായി, മുസ്തഫ മാസ്റ്റര്‍ മുണ്ടുപാറ, കെ. മോയിന്‍കുട്ടി മാസ്റ്റര്‍, സലാം ഫൈസി മുക്കം, ജില്ലാ പഞ്ഞായത്തംഗം സി.കെ ഖാസിം, നവാസ് ദാരിമി ഓമശ്ശേരി, അബൂബക്കര്‍ ഫൈസി മാനിപുരം, ഹുസൈന്‍ ബാഖവി അമ്പലക്കണ്ടി, അഹമ്മദ് കുട്ടി ബാഖവി വാവാട് സംബന്ധിക്കും. ഇതോടനുബന്ധിച്ച് ഇന്നു വൈകിട്ട് ഏഴിനു നടക്കുന്ന മതപ്രഭാഷണ പരിപാടിയില്‍ സിദ്ദീഖ് വാഫി ആലിന്‍തറ സംസാരിക്കും.