അങ്ങാടിപ്പുറം: പുഴക്കാട്ടിരി പാതിരമണ്ണ എല്‍.പി സ്‌കൂളിന് സമീപത്തെ സ്വകാര്യ വ്യക്തിയുടെ വളപ്പില്‍ തള്ളിയ കോഴി മാലിന്യം നീക്കം ചെയ്യാത്തതില്‍ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു. പുഴക്കാട്ടിരി പാതിരമണ്ണ രാമപുരം റോഡാണ് നാട്ടുകാര്‍ ഉപരോധിച്ചത്. തിങ്കളാഴ്ച പുലര്‍ച്ചെയാണ് ഇവിടെ മാലിന്യം തള്ളിയത് കാണപ്പെട്ടത്. കൊളത്തൂര്‍ പൊലിസും പഞ്ചായത്ത് പ്രസിഡന്റ് പി.കെ.ജയറാമും സ്ഥലത്തെത്തി നാട്ടുകാരുമായി ചര്‍ച്ച ചെയ്ത് ജനകീയ സഹകരണത്തോടെ മാലിന്യം സംസ്‌കരിച്ചു.