ഷൊര്‍ണൂര്‍: ഷൊര്‍ണൂരില്‍ റെയില്‍വേ മെഡിക്കല്‍ കോളജ് ആശുപത്രി ആരംഭിക്കണമെന്ന് ബി.ജെ.പി ഷൊര്‍ണൂര്‍ മണ്ഡലം പ്രസിഡന്റ് സുശീല്‍കുമാര്‍ അമിത്ഷായ്ക്ക് നല്‍കിയ നിവേദനത്തില്‍ ആവശ്യപ്പെട്ടു. റെയില്‍വേക്ക് സ്വന്തമായിത്തന്നെ സ്ഥലസൗകര്യങ്ങളും ഗതാഗത സൗകര്യങ്ങളും ഷൊര്‍ണൂരിന് അനുയോജ്യമാണ്. ഇപ്പോഴുള്ള ആശുപത്രി പേരിന് മാത്രമാണ്. കാര്യമായ അസുഖങ്ങള്‍ ബാധിച്ചാല്‍ മറ്റു സ്വകാര്യ ആശുപത്രികളെയാണ് ആശ്രയിച്ചിരുന്നത്.
ഭാരതപ്പുഴ റെയില്‍വേ സ്റ്റേഷനില്‍ ദീര്‍ഘദൂര ട്രെയിനുകള്‍ക്ക് സ്റ്റോപ്പ് അനുവദിക്കണമെന്നും നിവേദനത്തില്‍ ചൂണ്ടിക്കാണിച്ചിട്ടുണ്ട്. ഷൊര്‍ണൂരില്‍ വരാതെ എണ്‍പതോളം ട്രെയിനുകളാണ് ലിങ്ക് വഴി കടന്നുപോകുന്നത്. സ്‌റ്റേഷനില്‍ പ്രാഥമിക സൗകര്യങ്ങള്‍ നിര്‍വഹിക്കാനുള്ള നടപടികള്‍ ആരംഭിക്കണമെന്നും ആവശ്യപ്പെട്ടു.