തിരുവനന്തപുരം: സ്വാശ്രയ പ്രശ്‌നത്തില്‍ നിയമസഭയില്‍ പ്രതിഷേധം ശക്തമാക്കി പ്രതിപക്ഷം. സഭാനടപടികള്‍ ഇന്നും തുടക്കം മുതലേ തടസ്സപ്പെട്ടു. സഭ തല്‍ക്കാലത്തേക്ക് സ്പീക്കര്‍ നിര്‍ത്തിവച്ചു.  ചോദ്യോത്തരവേള പ്രതിപക്ഷം ബഹിഷ്‌കരിച്ചു.

രാവിലെ കറുത്ത ബാഡ്ജുകള്‍ ധരിച്ചാണ് പ്രതിപക്ഷ എം.എല്‍.എ മാര്‍ സഭയില്‍ ഹാജരായത്. പ്ലക്കാര്‍ഡുകളും ബാനറുകളുമായെത്തിയ പ്രതിപക്ഷം ചോദ്യങ്ങള്‍ ഉന്നയിക്കാതെയാണ് സഭയില്‍ ഇരിക്കുന്നത്.


സ്വാശ്രയ പ്രശ്‌നത്തില്‍ നിയമസഭയില്‍ കോണ്‍ഗ്രസ് എം എല്‍ എമാരുടെ നിരാഹാര സമരം ഇന്നും തുടരുകയാണ്. ഹൈബി ഈഡന്‍, ഷാഫി പറമ്പില്‍, അനൂപ് ജേക്കബ് എന്നിവരാണ് സമരം നടത്തുന്നത്.

സ്വാശ്രയ സമരം ചര്‍ച്ച ചെയ്യാന്‍ യുഡിഎഫ് വൈകീട്ട് മൂന്നിന് നേതൃയോഗം ചേരും.