തിരുവനന്തപുരം: സ്വാശ്രയപ്രശ്‌നത്തില്‍  പ്രതിപക്ഷവുമായി സ്പീക്കര്‍ നടത്തിയ ചര്‍ച്ച താന്‍ അറിഞ്ഞിട്ടില്ലെന്ന് മുഖ്യമന്ത്രി പിണറായി വിജയന്‍. തന്നെ സ്പീക്കര്‍ ചര്‍ച്ചയ്ക്കു വിളിച്ചിട്ടില്ല. അതുകൊണ്ടാണ് ചര്‍ച്ചയില്‍ പങ്കെടുക്കാതിരുന്നതെന്നും മുഖ്യമന്ത്രി പറഞ്ഞു.

സ്വാശ്രയ കോളജുകള്‍ തലവരി പണം വാങ്ങിയെന്നറിഞ്ഞാല്‍ വിജിലന്‍സ് നടപടിയെടുക്കുമെന്നും മുഖ്യമന്ത്രി പറഞ്ഞു.



തുടര്‍ച്ചയായ നാലാംദിവസവും നിയമസഭ സ്തംഭിച്ചതിനാലാണ് സ്പീക്കര്‍ കക്ഷിനേതാക്കളെ ചര്‍ച്ചയ്്ക്ക് വിളിപ്പിച്ചത്. എന്നാല്‍ സമവായ ചര്‍ച്ചകള്‍ പരാജയപ്പെട്ടു.


സ്വാശ്രയ മാനേജ്‌മെന്റുകള്‍ വിദ്യാര്‍ഥികളെ ചൂഷണം ചെയ്യുന്നതിനു സര്‍ക്കാര്‍ കൂട്ടു നില്‍ക്കുകയാണെന്നു ചര്‍ച്ചയ്ക്കു ശേഷം പ്രതിപക്ഷം ആരോപിച്ചിരുന്നു.