കൊച്ചി: ശ്രീശങ്കര തിയോസഫിക്കല്‍ ലോഡ്ജ് 125-ാം വാര്‍ഷികാഘോഷം നാളെ കൊച്ചിയില്‍ നടക്കും. രാവിലെ എട്ടിനു പള്ളിമുക്ക് തിയോസഫിക്കല്‍ ഹാളില്‍ ഭാരത സമാജപൂജയോടെ ആഘോഷപരിപാടിക്കു തുടക്കം കുറിക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു. തുടര്‍ന്നു സര്‍വമത പ്രാര്‍ഥന നടക്കും.
തിയോസഫിക്കല്‍ സൊസൈറ്റി അന്തര്‍ദേശീയ പ്രസിഡന്റ് ടിം ബോയ്ഡ് പരിപാടി ഉദ്ഘാടനം ചെയ്യും. ശ്രീശങ്കര തിയോസഫിക്കല്‍ ലോഡ്ജ് എറണാകുളം പ്രസിഡന്റ് ഡോ. ടി.പി ബാബു അധ്യക്ഷനാകും. ജോയിന്റ് സെക്രട്ടറി ടി.എസ് ഉസ്മാന്‍, കേരള തിയോസഫിക്കല്‍ ഫെഡറേഷന്‍ പ്രസിഡന്റ് എസ്. ശിവദാസ് പ്രസംഗിക്കും. വാര്‍ത്താസമ്മേളനത്തില്‍ ഭാരവാഹികളായ സീത ലക്ഷ്മി, ടി.പി ബാബു, ടി.എസ് ഉസ്മാന്‍ പങ്കെടുത്തു.