പട്ടാമ്പി: വീട്ടമ്മയെ പീഡിപ്പിക്കാന്‍ ശ്രമിച്ച കേസില്‍ ഓട്ടോഡ്രൈവറെ പട്ടാമ്പി പൊലിസ് അറസ്റ്റ് ചെയ്തു. കുപ്പൂത്ത് കരുവാന്‍ കുഴി അന്‍വര്‍ സാദത്താണ് (24) അറസ്റ്റിലായത്.
കഴിഞ്ഞമാസം 29 ന് റേഷന്‍ സാധനങ്ങള്‍ വാങ്ങി മടങ്ങുന്ന സമയത്ത് ഓട്ടോറിക്ഷയില്‍ കയറിയ വീട്ടമ്മയെ പീഡിപ്പിക്കാന്‍ ശ്രമിക്കുകയും പീഡനം ചെറുത്ത വീട്ടമ്മ ഓട്ടോറിക്ഷയില്‍ നിന്ന് പുറത്തേക്ക് ചാടുകയും വീണ് പരുക്ക് പറ്റുകയും ചെയ്തു.
പരുക്ക് പറ്റിയ വീട്ടമ്മയെ നാട്ടുകാരാണ് ആശുപത്രിലെത്തിച്ചത്. വീട്ടമ്മയുടെ ഭര്‍ത്താവ് നല്‍കിയ പരാതിമേലാണ് പൊലിസ് കേസെടുത്ത് അന്വേഷണം നടത്തിയത്.