പാലക്കാട്: ബി.ജെ.പിയുടെ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി ഇന്ന് കേരളത്തിലെത്തും. പാലക്കാട് വലിയകോട്ട മൈതാനത്താണ് ആദ്യ പരിപാടി. വ്യോമസേനയുടെ പ്രത്യേക ഹെലികോപ്റ്ററില്‍ എത്തുന്ന മോദി ഉച്ചയ്ക്ക് രണ്ടിന് മേഴ്‌സി കോളേജ് മൈതാനത്ത് ഒരുക്കിയ താല്‍ക്കാലിക ഹെലിപാഡിലാണ് ഇറങ്ങുക. ഉച്ചക്ക് ഒന്നിന് ആരംഭിക്കുന്ന കണ്‍വെന്‍ഷനില്‍ കേന്ദ്ര മന്ത്രിമാരായ ജെ.പി. നദ്ദ, രാജീവ് പ്രതാപ് റൂഡി, ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍, സുരേഷ്‌ഗോപി എം.പി, ഒ. രാജഗോപാല്‍, സി.കെ. ജാനു, പി.സി. തോമസ്, നലിന്‍കുമാര്‍ കാട്ടീല്‍ എം.പി എന്നിവര്‍ പങ്കെടുക്കും. ഇവിടെ നിന്നും തമിഴ്‌നാട്ടിലെ തെരഞ്ഞെടുപ്പ് റാലികളില്‍ പങ്കെടുക്കാന്‍ മോദി ചെന്നൈയിലെത്തും.