മലപ്പുറം:കേരളത്തിലെ ചില മണ്ഡലങ്ങളില്‍ യു.ഡി.എഫും ബി.ജെ.പിയുമായിട്ടാണ് മത്സരമെന്ന മുഖ്യമന്ത്രിയുടെ പ്രസ്താവന തിരുത്തി കെ.പി.സി.സി പ്രസിഡന്റ് വി എം സുധീരന്‍ രംഗത്തുവന്നു. സംസ്ഥാനത്ത് മത്സരം യുഡിഎഫും എല്‍ഡിഎഫും തമ്മില്‍ തന്നെയാണെന്ന് വി എം സുധീരന്‍ പറഞ്ഞു. ബിജെപി അക്കൌണ്ട് തുറക്കില്ല. പ്രധാനമന്ത്രിയുടെ പരാമര്‍ശങ്ങള്‍ പദവിക്ക് നിരക്കാത്തതാണെന്നും സുധീരന്‍ പറഞ്ഞു. കേരളത്തില്‍ പല മണ്ഡലങ്ങളിലും യു.ഡി.എഫിന്റെ എതിരാളി ബി.ജെ.പിയാണെന്ന് ഉമ്മന്‍ചാണ്ടി പറഞ്ഞിരുന്നു.