തിരൂരങ്ങാടി: ബൈക്ക് മോഷണക്കേസില്‍ പതിനാറുകാരനടക്കം മൂന്നുപേര്‍കൂടി പൊലിസ് പിടിയിലായി. എ.ആര്‍ നഗര്‍ ചെണ്ടപ്പുറായ സ്വദേശികളായ നെടുങ്ങാട്ട് വൈശാഖ് (18), ഈന്ത്മുള്ളന്‍ തൗഫീഖ് (19) എന്നിവരെയാണ് ഇന്നലെ തിരൂരങ്ങാടി എസ്.ഐ വിശ്വനാഥന്‍ കാരയില്‍ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. ഇവരോടൊപ്പം പിടിയിലായ പതിനാറുകാരനെ ജുവനൈല്‍ ജസ്റ്റിസ് ബോര്‍ഡ് മുന്‍പാകെ ഹാജരാക്കി.
കേസില്‍ എ.ആര്‍ നഗര്‍ പുതിയത്ത് പുറായ വടക്കയില്‍ ജിഥിന്‍ അലി (19), അരിമ്പ്ര മുസ്‌ലിയാരങ്ങാടി തച്ചണ്ണയില്‍ വീട്ടില്‍ ലിജേഷ് (22) എന്നിവരെ നേരത്തെ അറസ്റ്റ് ചെയ്തിരുന്നു. ഇവര്‍ ജയിലിലാണ്.