മുവാറ്റുപുഴ: നിരപരാധിയായ യുവാവിനെ ലോക്കപ്പിലിട്ട് നാല് ദിവസക്കാലം മര്‍ദ്ദിച്ചതില്‍ പ്രതിഷേധിച്ച് യൂത്ത് കോണ്‍ഗ്രസ്സ് മുവാറ്റുപുഴ പൊലിസ് സ്റ്റേഷനിലേക്ക് മാര്‍ച്ചും ധര്‍ണ്ണയും നടത്തി. കുറ്റക്കാരായ മുഴുവന്‍ പൊലിസുകാര്‍ക്കെതിരെയും കേസെടുത്ത് നിയമനടപടികള്‍ സ്വീകരിക്കണമെന്നാവശ്യപ്പെട്ടായിരുന്നു യൂത്ത് കോണ്‍ഗ്രസ്സ് മാര്‍ച്ച്.
യൂത്ത് കോണ്‍ഗ്രസ്സ് നിയോജക മണ്ഡലം പ്രസിഡന്റ് സമീര്‍ കോണിക്കലിന്റെ നേതൃത്വത്തില്‍ നടന്ന പ്രതിഷേധ മാര്‍ച്ച് ഡി.കെ.ടി.എഫ് സംസ്ഥാന പ്രസിഡന്റ് ജോയി മാളിയേക്കല്‍ ഉദ്ഘാടനം ചെയ്തു.
കെ.പി.സി.സി നിര്‍വ്വാഹക സമിതി അംഗം പായിപ്ര കൃഷ്ണന്‍, ഡി.സി.സി ജനറല്‍ സെക്രട്ടറിമാരായ പി.പി എല്‍ദോസ്, ഉല്ലാസ് തോമസ്, കൃഷ്ണന്‍ നായര്‍, ബ്ലോക്ക് പ്രസിഡന്റുമാരായ ജോസ് പെരുമ്പിള്ളിക്കുന്നേല്‍, കെ.എം പരീത്, യൂത്ത് കോണ്‍ഗ്രസ്സ് ജില്ലാ സെക്രട്ടറി രതീഷ് ചങ്ങാലിമറ്റം, യൂത്ത് കോണ്‍ഗ്രസ്സ് നേതാക്കന്മാരായ  ടി.എം എല്‍ദോ, സിജോ ജോണ്‍, എബിന്‍ ജോണ്‍, ഷാന്‍ മുഹമ്മദ്, ജിന്റോ ടോമി, നോബിള്‍ ജോണ്‍, റിയാസ് താമരപ്പിള്ളില്‍, സനൂപ് കൃഷ്ണന്‍, ഫൈസല്‍ വടക്കാനത്ത്, ഡിനു ഓലിക്കല്‍, സച്ചിന്‍ ഷാജി, സിബി സെബാസ്റ്റ്യന്‍, ഷൈജു പാലക്കുഴ, മന്‍സൂര്‍, ഖാലിദ് ഷാ, ഷൗക്കത്ത് അലി, സന്തോഷ്‌കുമാര്‍, ലിയോ എം.എ., ജെറീഷ് തോമസ്,  റിഷാദ് തോപ്പില്‍, മൈതിന്‍കുട്ടി, റെജി പി.കെ., അലിമോന്‍ ടി.എം., ജോബി ജോസ് തുടങ്ങിയവര്‍ പ്രസംഗിച്ചു.