എടത്തനാട്ടുകര :  വിദ്യാര്‍ഥികളിലും യുവാക്കളിലും ബോധവല്‍കരണം നടത്തി രക്ത ദാനം കൂടുതല്‍ ജനകീയമാക്കുക എന്ന ലക്ഷ്യത്തോടെ എടത്തനാട്ടുകര കോട്ടപ്പള്ള ഗവ. ഹയര്‍ സെക്കന്‍ഡറി സ്‌കൂള്‍ സ്‌കൗട്ട് ആന്റ് ഗെയ്ഡ് യൂണിറ്റ് , എന്‍. എസ്. എസ് യൂണിറ്റ് എന്നിവയുടെ സംയുക്താഭിമുഖ്യത്തില്‍  പെരിന്തല്‍മണ്ണ ബ്ലഡ് ബാങ്കുമായി സഹകരിച്ച് രണ്ടാമത്  രക്ത ദാന ക്യാംപ് സംഘടിപ്പിച്ചു.  സ്‌കൂള്‍ സ്‌കൗട്ട് ആന്റ് ഗെയ്ഡ് യൂണിറ്റിന്റെ ഹെല്‍ത്ത് ആന്റ് കെയര്‍ പ്രൊജക്റ്റിന്റെ ഭാഗമായാണ് രക്ത ദാന ക്യാംപ് സംഘടിപ്പിച്ചത്. ഫാദര്‍ ജസ്റ്റിന്‍ കോലംകണ്ണി  രക്തം നല്‍കി ക്യാംപ് ഉദ്ഘാടനം ചെയ്തു.
സ്‌കൗട്ട് മാസ്റ്റര്‍ ഒ. മുഹമ്മദ് അന്‍വര്‍, എന്‍. എസ്. എസ് കോ ഓര്‍ഡിനേറ്റര്‍ എന്‍. അബ്ദുന്നാസര്‍, എന്‍. എസ്. എസ് ലീഡര്‍. ആത്വിഫ് ഗഫൂര്‍, സ്‌കൗട്ട് ക്യാപ്റ്റന്‍ ശിവജിത്ത്, ഗൈഡ് ക്യാപ്റ്റന്‍ അസ്‌ന ഷെറിന്‍  എന്നിവര്‍ നേതൃത്വം നല്‍കി. അടിയന്തിര ഘട്ടങ്ങളില്‍ രക്തം ആവശ്യമുള്ളവര്‍ സ്‌കൂളിലെ സ്‌കൗട്ട് യൂണിറ്റുമായോ എന്‍. എസ്. എസ് യൂണിറ്റുമാറ്റോ ബന്ധപ്പെടണം. വിശദ വിവരങ്ങള്‍ക്ക് 9447368178, 9446937326