പാലക്കാട്:  കേരള സാംസ്‌കാരിക വകുപ്പ്, ഇന്‍ഫര്‍മേഷന്‍ പബ്ലിക്ക് റിലേഷന്‍ വകുപ്പ്, ജില്ലാ ലൈബ്രറി കൗണ്‍സില്‍,  ജില്ലാ ഭരണകൂടം  എന്നിവ സംയുക്തമായി   സംഘടിപ്പിക്കുന്ന ശ്രീനാരാണ ഗുരുവിന്റെ 'നമുക്ക് ജാതിയില്ല' വിളംബരത്തിന്റെ ശതാബ്ദി ആഘോഷങ്ങളുടെ ജില്ലാതല ഉദ്ഘാടനത്തിന്റെ ഭാഗമായി  ഹയര്‍ സെക്കന്‍ഡറി, കോളജ് വിദ്യാര്‍ഥികള്‍ക്കായി  ഇന്ന് രാവിലെ 10  മണി മുതല്‍ 1 മണി വരെ പാലക്കാട് ജില്ലാ പബ്ലിക് ലൈബ്രറിയില്‍ പ്രശ്‌നോത്തരി (ക്വിസ്) മത്സരം സംഘടിപ്പിക്കുന്നു.
ചിറ്റൂര്‍ മുനിസിപ്പല്‍ കൗണ്‍സിലര്‍  എം. ശിവകുമാറാണ് ക്വിസ് മാസ്റ്റര്‍. ശ്രീനാരായണ ഗുരു , മറ്റു കേരളം നവോത്ഥാന നായകന്മാര്‍, കേരള നവോത്ഥാന ചരിത്രം എന്നിവ ആസ്പദമാക്കിയാണ് പ്രശ്‌നോത്തരി  അരങ്ങേറുക. താല്‍പര്യമുളളവര്‍  രാവിലെ 9 .30-ന്  ലൈബ്രറിയില്‍ റിപ്പോര്‍ട്ട് ചെയ്യണമെന്ന് സംഘാടക സമിതി കണ്‍വീനര്‍ അറിയിച്ചു.