ജിഷാ; നീ മരിക്കാന്‍ മറന്നവള്‍. ഇത്ര വിലയില്ലാത്തതാണ് നിന്റെ ശരീരത്തിന്റെ ഉള്ളും പുറവുമെന്ന് അറിഞ്ഞിരുന്നെങ്കില്‍ നിനക്ക് മരിക്കാതിരിക്കാമായിരുന്നു. എന്തേ നീയൊരു പെണ്ണായില്ല? 'മാപ്പ്...' എന്ന ഒറ്റവാക്കു മതി; ഞങ്ങള്‍ക്കു ദൈവത്തിന്റെ സ്വന്തം നാട്ടുകാരാകാന്‍! ഇരുള്‍വീണ മനസിന്റെ പിന്‍വിളിയെന്നോ, മനഭ്രംശം സംഭവിച്ചവന്റെ ചാപല്യമെന്നോ വിലയിരുത്തപ്പെടുമ്പോള്‍ ഇവിടെ; ഘാതകനും സുരക്ഷിതന്‍! വെന്തു പഴുത്ത കുന്തമുനകളില്‍ സ്ത്രീത്വം പിടഞ്ഞാടി വെണ്ണീരുതിര്‍ക്കുമ്പോള്‍, പരസ്പരം കഴുത്തിലിട്ട് അഭിമാനിക്കാനും അപമാനിക്കാനും സ്വന്തം കുടല്‍മാല എറിഞ്ഞുതന്നു നീ യാത്രയായപ്പോള്‍, ഇവിടെ ഒരു ചോദ്യം ബാക്കി; .....ആരാണു ശരി?