വൈക്കം: ശ്രീനാരായണഗുരുവിന്റെ നമുക്ക് ജാതിയില്ലാ വിളംബരം ശതാബ്ദി ആഘോഷത്തിന്റെ ജില്ലാതല ഉദ്ഘാടനം എട്ടിനു രാവിലെ 10ന് വൈക്കം കെ.എന്‍.എന്‍ സ്മാരക എന്‍.എസ്.എസ് ഓഡിറ്റോറിയത്തില്‍ മന്ത്രി പി. തിലോത്തമന്‍ നിര്‍വഹിക്കും.
സമ്മേളനത്തില്‍ പ്രൊഫ. എം.കെ സാനു മുഖ്യപ്രഭാഷണവും ഡോ. സ്‌കറിയ സഖറിയ പ്രഭാഷണവും നടത്തും.
സി.കെ. ആശ എം.എല്‍.എ അധ്യക്ഷനായിരിക്കും. ചടങ്ങില്‍ ജോസ് കെ. മാണി എം.പി മുഖ്യാതിഥി ആയിരിക്കും. ജില്ലാ ഭരണകൂടവും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും വിവിധ വകുപ്പുകളുടെ സഹകരണത്തോടെ ഗാന്ധി ജയന്തി വാരം സര്‍ക്കാരിന്റെ 100ദിനാഘോഷം എന്നിവയുടെ ഭാഗമായി നടത്തിയ മത്സരത്തില്‍ വിജയികളായവര്‍ക്കു സമ്മാനദാനം കലക്ടര്‍ സി.എ. ലത നിര്‍വഹിക്കും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് ,വൈക്കം നഗരസഭാ ചെയര്‍മാന്‍ അനില്‍ ബിശ്വാസ്, വൈക്കം ബ്ലോക്ക് പഞ്ചായത്ത് പ്രസിഡന്റ് വൈ. ജയകുമാര്‍, ഗ്രാമ പഞ്ചായത്ത് പ്രസിഡന്റുമാരായ ലിജി സലജ രാജ (തലയാഴം), കെ.ആര്‍ ചിത്രലേഖ (ചെമ്പ്), പി.വി ഹരിക്കുട്ടന്‍ (മറവന്‍തുരുത്ത്), ടി.എസ് സെബാസ്റ്റ്യന്‍ (ടി.വി പുരം), പി. ശകുന്തള (വെച്ചൂര്‍), സാബു പി മണലോടി (ഉദയനാപുരം), നഗരസഭാ വൈസ് ചെയര്‍പേഴ്‌സണ്‍ എം.സി മണിയമ്മ, ജില്ലാ പഞ്ചായത്തംഗങ്ങളായ പി സുഗതന്‍, കെ. കെ രഞ്ജിത്, കല മങ്ങാട്, നഗരസഭ കൗണ്‍സിലര്‍ ഡി രഞ്ജിത് കുമാര്‍, ഐ ആന്റ് പി.ആര്‍.ഡി മേഖല ഡെപ്യൂട്ടി ഡയറക്ടര്‍ കെ അബ്ദുള്‍ റഷീദ്, ജില്ലാ ലൈബ്രറി കൗണ്‍സില്‍ പ്രസിഡന്റ് വി.കെ കരുണാകരന്‍ , സെക്രട്ടറി കെ.ആര്‍ ചന്ദ്രമോഹന്‍ എന്നിവര്‍ സംസാരിക്കും.