കോഴിക്കോട്: 321 പേര്‍ക്ക് ഒരുമിച്ച് പരീക്ഷയെഴുതാനുള്ള സൗകര്യവുമായി കേരള പബ്ലിക് സര്‍വിസ് കമ്മിഷന്‍ കോഴിക്കോട്ട് ഒരുക്കിയ ഓണ്‍ലൈന്‍ പരീക്ഷാ കേന്ദ്രം ഇന്നു വൈകിട്ട് മൂന്നിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മലബാര്‍ മേഖലയിലെ കാസര്‍കോട്, കണ്ണൂര്‍, മലപ്പുറം, വയനാട്, കോഴിക്കോട് ജില്ലകള്‍ക്കായാണ് കോഴിക്കോട്ട് സെന്റര്‍ പ്രവര്‍ത്തനം തുടങ്ങുന്നത്.
നിര്‍വഹണ ഏജന്‍സിയായ കെല്‍ 2015 മെയ് 13നാണ് നിര്‍മാണ പ്രവൃത്തി ആരംഭിച്ചത്. കെ.പി.എസ്.സിയുടെ ഏറ്റവും വലിയ ഓണ്‍ലൈന്‍ പരീക്ഷാ കേന്ദ്രമാണിത്. ഉദ്ഘാടന ചടങ്ങില്‍ കെ.പി.എസ്.സി ചെയര്‍മാന്‍ ഡോ. കെ.എസ്. രാധാകൃഷ്ണന്‍ അധ്യക്ഷനാകും. മന്ത്രി ടി.പി രാമകൃഷ്ണന്‍ മുഖ്യപ്രഭാഷണം നടത്തും.