കല്‍പ്പറ്റ: ഭാരതീയ ചികിത്സാ വകുപ്പ് ജില്ലയില്‍ 2016-17 വര്‍ഷത്തേക്ക് പുതിയതായി ആരംഭിക്കുന്ന സിദ്ധ, സിക്കിള്‍സെല്‍ അനീമിയ പ്രൊജക്ടുകളിലേക്ക് ദിവസ വേതനാടിസ്ഥാനത്തില്‍ മെഡിക്കല്‍ ഓഫീസര്‍, ഫാര്‍മസിസ്റ്റ്, നഴ്‌സ്, അറ്റന്റര്‍തെറാപ്പിസ്റ്റ് തസ്തികകളിലേക്കുള്ള കൂടിക്കാഴ്ച കല്‍പ്പറ്റയിലുള്ള ഭാരതീയ ചികില്‍സാ വകുപ്പ് ജില്ലാ മെഡിക്കല്‍ ഓഫിസില്‍ രാവിലെ 10.30ന് നടത്തും. മെഡിക്കല്‍ ഓഫിസര്‍ക്ക് ബി.എ.എം.എസ്(കായ ചികിത്സ), എം.ഡി ഉള്ളവര്‍ക്ക് മുന്‍ഗണന, ഫാര്‍മസിസ്റ്റിന് ഗവ:അംഗീകൃത ആയുര്‍വേദ ഫാര്‍മസി കോഴ്‌സ് സര്‍ട്ടിഫിക്കറ്റ്, നഴ്‌സിന് ഗവ:അംഗീകൃത നേഴ്‌സിംഗ് കോഴ്‌സ്, അറ്റന്റര്‍തെറാപ്പിസ്റ്റ് എസ്.എസ്.എല്‍.സി, ഗവ. അംഗീകൃത ആയുര്‍വേദ തെറാപ്പിസ്റ്റ് കോഴ്‌സ് എന്നിങ്ങനെയാണ് യോഗ്യത. ഓരോ ഒഴിവാണുള്ളത്. ജില്ലയില്‍ സ്ഥിരതാമസക്കാരായ 50 വയസിന് താഴെ പ്രായമുള്ളവര്‍ക്ക് കൂടിക്കാഴ്ചയ്ക്ക് ഹാജരാകാം. മെഡിക്കല്‍ ഓഫിസര്‍ക്ക് ഈമാസം 17, ഫാര്‍മസിസ്റ്റ്, നേഴ്‌സ് 18, അറ്റന്റര്‍ തെറാപ്പിസ്റ്റ് 19 തിയതികളിലാണ് കൂടിക്കാഴ്ച.