കൂത്തുപറമ്പ്: മമ്പറം മേഖല സുന്നി മഹല്‍ കോഓര്‍ഡിനേഷന്‍ കമ്മിറ്റിയുടെ നേതൃത്വത്തില്‍ പറമ്പായി ജുമാ മസ്ജിദിനു സമീപം നിര്‍മിക്കുന്ന ഫിഫ്‌ളുല്‍ ഖുര്‍ആന്‍ കോളജിന്റെ ശിലാസ്ഥാപനവും മതപ്രഭാഷണവും പൊതുസമ്മേളനവും നാളെ നടക്കും.
നാളെ വൈകുന്നേരം നാലിന് പാണക്കാട് സയ്യിദ് റശീദലി ശിഹാബ് തങ്ങള്‍ ശിലാസ്ഥാപനം നിര്‍വഹിക്കും. രാത്രി ഏഴിന് മമ്പറം എജുക്കേഷനല്‍ ട്രസ്റ്റ് ഗ്രൗണ്ടില്‍ നടക്കുന്ന പൊതുസമ്മേളനം പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. കോളജിന് സ്ഥലം സംഭാവന ചെയ്ത റിട്ട. ഹൈക്കോടതി ജഡ്ജ് പി.എ മുഹമ്മദ്, പി.എ മാമു ഖത്തര്‍ എന്നിവരെ ചടങ്ങില്‍ ആദരിക്കും. തുടര്‍ന്ന് ഉസ്താദ് നൗഷാദ് ബാഖവി ചിറയിന്‍കീഴ് മതപ്രഭാഷണം നടത്തും. വാര്‍ത്താ സമ്മേളനത്തില്‍ ഭാരവാഹികളായ കെ.പി മുഹമ്മദ് ഹാജി, എം.എം അബ്ദുള്‍ ലത്തീഫ്, സി.കെ അബ്ദുറഹ്മാന്‍, എം.കെ മുഹമ്മദ്, അബ്ദുള്‍ ലത്തീഫ് ഫൈസി പങ്കെടുത്തു.