ചെറുവത്തൂര്‍: ഗവ. പ്രൈമറി സ്‌കൂള്‍ പ്രഥമാധ്യാപക അസോസിയേഷന്‍ സംസ്ഥാന പ്രവര്‍ത്തക ക്യാംപ്  ഇന്നും നാളെയും   ചെറുവത്തൂരില്‍ നടക്കും. ഇന്നു രാവിലെ 11നു സീമൗണ്ട് ഓഡിറ്റോറിയത്തില്‍ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. സംസ്ഥാന അധ്യാപക അവാര്‍ഡ് ജേതാവ് രാജന്‍ കരിവെള്ളൂരിനെ ചടങ്ങില്‍ ആദരിക്കും. 12നു 'പ്രൈമറി പ്രഥമാധ്യാപകരും സംഘടനാ ചരിത്രവും' എന്ന വിഷയത്തില്‍ ബാലന്‍ പടിയൂര്‍ ക്ലാസെടുക്കും. തുടര്‍ന്ന് മുന്‍കാല പ്രവര്‍ത്തകരെ ആദരിക്കും. രണ്ടിനു 'ഓഫിസ് മാന്വല്‍' വിഷയത്തില്‍ എം.പി രാഘവന്‍ ക്ലാസെടുക്കും. നാലിനു ബേക്കലിലേക്കു പ്രതിനിധികളുടെ യാത്ര. വൈകിട്ട് ഏഴിനു സംഘടനാ പ്രവര്‍ത്തന രേഖ ചര്‍ച്ച ചെയ്യും. നാളെ  രാവിലെ ഒന്‍പതിനു 'പ്രൈമറി പ്രഥമാധ്യാപകരുടെ സര്‍വിസ് പ്രശ്‌നങ്ങള്‍' എന്ന വിഷയത്തില്‍ റിട്ട.ഡി.ഇ.ഒ കെ വേലായുധന്‍ ക്ലാസെടുക്കും.
11ന് 'വിദ്യാഭ്യാസ പരിവര്‍ത്തനത്തിന്റെ രാഷ്ട്രീയം' ഡോ.ജ്യോതി കൃഷ്ണന്‍ അവതരിപ്പിക്കും. ഡോ.കെ.എം ഉണ്ണികൃഷ്ണന്‍, ഡോ.എം ബാലന്‍ പങ്കെടുക്കും. ടി.കെ.മുകുന്ദന്‍ മോഡറേറ്ററായിരിക്കും. വാര്‍ത്താസമ്മേളനത്തില്‍ പി രാജന്‍, വി.കെ ബാലകൃഷ്ണന്‍, പി.കെ രാജന്‍, പി മുരളി, ടി.വി രവീന്ദ്രന്‍ സംബന്ധിച്ചു.