നീലേശ്വരം: വയലില്‍ മേയാന്‍ വിട്ട ആട് കടന്നല്‍ കുത്തേറ്റു ചത്തു. രക്ഷിക്കാനെത്തിയ ഉടമ കടന്നല്‍ക്കുത്തേറ്റു ഗുരുതരാവസ്ഥയില്‍. ആനച്ചാലിലെ തെങ്ങുകയറ്റ തൊഴിലാളി പി.പി കുഞ്ഞമ്പുവിന്റെ (75) ആടാണു ചത്തത്.
     കഴിഞ്ഞ ദിവസം വയലില്‍ കെട്ടിയിരുന്ന ആടിനെ കടന്നല്‍ ആക്രമിക്കുകയായിരുന്നു. ആടിന്റെ കരച്ചില്‍ കേട്ടു കുഞ്ഞമ്പു സ്ഥലത്തെത്തിയെങ്കിലും കൂട്ടത്തോടെയുള്ള കടന്നലിന്റെ ആക്രമണത്തില്‍ ആടു ചത്തിരുന്നു. കടന്നല്‍ക്കുത്തേറ്റ കുഞ്ഞമ്പുവിനെ പരിയാരം മെഡിക്കല്‍ കോളജാശുപത്രിയില്‍ പ്രവേശിപ്പിച്ചു.