പൂക്കോട്ടൂര്‍: വിദ്യാര്‍ഥികളെ മത്സരപരീക്ഷകള്‍ക്ക് സജ്ജരാക്കുക എന്ന ഉദ്ദേശത്തോടെ പൂക്കോട്ടൂര്‍ ജി.എച്ച്.എസ് സ്‌കൂളിലെ കുട്ടികള്‍ക്ക് ഒ.എം.ആര്‍ പരീക്ഷ നടത്തി. കഴിഞ്ഞ മൂന്നുവര്‍ഷമായി വിദ്യാര്‍ഥികള്‍ക്ക് ഒ.എം.ആര്‍ പരീക്ഷ നടത്തുന്നുണ്ട്. പാഠഭാഗത്തോടൊപ്പം പൊതുവിജ്ഞാനവും ഉള്‍പ്പെടുത്തി നടത്തുന്ന പരീക്ഷ സ്‌കൂളിലെ ആയിരത്തിയഞ്ഞൂറോളം കുട്ടികള്‍ വളരെ ആവാശത്തോടെയാണ് എതിരേറ്റത്.
ആദ്യത്തെ രണ്ട് റൗണ്ടുകള്‍ ഒ.എം.ആര്‍ ഉപയോഗിച്ചും അവസാന റൗണ്ട് മള്‍ട്ടിമീഡിയയുടെ സഹായത്തോടെയും നടക്കുന്ന മത്സരത്തിന്റെ വിജയികളാവുന്നവര്‍ക്ക് അധ്യാപകരുടെ വക ക്യാഷ് അവാര്‍ഡുകള്‍ നല്‍കും. ജി.കെ ക്ലബിന്റെ ആഭിമുഖ്യത്തില്‍ നടത്തുന്ന ഈ പരീക്ഷയുടെ ഉദ്ഘാടനം  ഹെഡ്മാസ്റ്റര്‍ കെ ഇഖ്ബാല്‍ മാസ്റ്റര്‍ നിര്‍വഹിച്ചു. പി.ടി.എ പ്രസിഡന്റ് സലീം കൊടക്കാടന്‍ ഭാവുകങ്ങള്‍ നേര്‍ന്നു. ജലീല്‍ മോങ്ങം, നാസര്‍ മാസ്റ്റര്‍, രവീന്ദ്രന്‍ മാസ്റ്റര്‍ നേതൃത്വം നല്‍കി.