മമ്പുറം ആണ്ടുനേര്‍ച്ചയുടെ സമാപന ദിവസമായ നാളെ മമ്പുറത്തു ഗതാഗത നിയന്ത്രണമുണ്ടായിരിക്കുമെന്നു തിരൂരങ്ങാടി പൊലിസ് അറിയിച്ചു.രാവിലെ എട്ടു മുതല്‍ വൈകുന്നേരം ആറുവരെ മമ്പുറം മഖാമിലേക്കും തിരിച്ചും പഴയ പാലം വഴി  വാഹനങ്ങള്‍ കടന്നുപോവാന്‍ അനുവദിക്കുന്നതല്ല. രാവിലെ എട്ടു മുതല്‍ വൈകുന്നേരം അഞ്ചു വരെ പുതിയ പാലം നടപ്പാതക്കായി തുറന്നുകൊടുക്കും. മഖാമിലേക്കു വരുന്ന വാഹനങ്ങള്‍ നാഷണല്‍ ഹൈവേയില്‍ നിന്നു വി.കെ പടി വഴി ലിങ്ക് റോഡിലൂടെ വന്നു തിരിച്ചുപോകണമെന്നും പൊലിസ് അറിയിച്ചു.