വളാഞ്ചേരി: ദേശീയപാത വട്ടപ്പാറയില്‍ വീണ്ടും ചരക്കുലോറി മറിഞ്ഞു ഡ്രൈവര്‍ക്ക് പരുക്കേറ്റു. ഉത്തര്‍പ്രദേശ് സ്വദേശി പര്‍വേശ് യാദവി (39) നാണ് പരുക്കേറ്റത്. ഇയാളെ വളാഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
  ഇന്നലെ പുലര്‍ച്ചെ അഞ്ചോടെയാണ് അപകടം നടന്നത്. രാജസ്ഥാനില്‍നിന്ന് കൊച്ചിയിലേക്കു സാനിറ്ററീസുമായി പോകുകയായിരുന്ന ലോറിയാണ് വട്ടപ്പാറ പ്രധാന വളവില്‍ നിയന്ത്രണംവിട്ട് മറിഞ്ഞത്. മേലെ വളവില്‍ നിയന്ത്രണംവിട്ട വാഹനം ഇലക്ട്രിക് പോസ്റ്റുകള്‍ തകര്‍ത്ത് റോഡരികില്‍ മറിയുകയായിരുന്നു.