കരുനാഗപ്പള്ളി: ദേശീയപാതയില്‍ പുത്തന്‍തെരുവില്‍ മലിനജലം ഒഴുക്കിയതായി പരാതി. വ്യാഴാഴ്ച രാത്രിയില്‍ ജുമാമസ്ജിദിന് സമീപത്താണ് മലിനജലം ഒഴുക്കിയത്. രൂക്ഷഗന്ധം മൂലം വഴിയാത്രക്കാര്‍, പള്ളിയില്‍ പ്രാര്‍ഥനയ്ക്ക് പോകുന്നവര്‍, കച്ചവടക്കാര്‍ തുടങ്ങിയവരാണ് പ്രയാസത്തിലായത്. വെള്ളിയാഴ്ച ഉച്ചയ്ക്ക് പ്രാര്‍ഥനയ്ക്ക് വന്നവരില്‍ പലര്‍ക്കും ഛര്‍ദ്ദി അനുഭവപ്പെട്ടതായും പറയപ്പെടുന്നു.കെട്ടികിടക്കുന്ന മലിനജലത്തില്‍ പാര്‍ക്ക് ചെയ്യാന്‍ വരുന്ന വാഹനങ്ങള്‍ ഇറങ്ങുംമ്പോള്‍ രൂക്ഷഗന്ധം അനുഭവപ്പെടുന്നതായും വ്യാപാരികള്‍ പരാതിപ്പെടുന്നു. അധികൃതര്‍ വേണ്ട നടപടി സ്വീകരിക്കണമെന്ന ആവിശ്യം ശക്തമാണ്.