മഞ്ചേശ്വരം: ലോറിയും ബൈക്കും കൂട്ടിയിടിച്ച് ബൈക്ക് യാത്രക്കാരന്‍ മരിച്ചു. ബൈക്കോടിച്ചിരുന്ന മറ്റൊരാളെ ഗുരുതരമായ പരുക്കുകളോടെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. ഇന്ന് ഉച്ചക്ക് 12.15 ഓടെയാണ് സംഭവം. മഞ്ചേശ്വരം ഗോവിന്ദപൈ കോളജിന് സമീപമാണ് അപകടമുണ്ടായത്.

ബൈക്കില്‍ സഞ്ചരിക്കുകയായിരുന്ന കര്‍ണാടക അഡിയാര്‍ സ്വദേശിയാണ് അപകടത്തില്‍ മരിച്ചതെന്ന് സംശയിക്കുന്നു. ബൈക്ക് യാത്രക്കാരെ പറ്റിയുള്ള കൂടുതല്‍ വിവരങ്ങള്‍ ലഭിച്ചിട്ടില്ല.