കൊട്ടാരക്കര: വീട്ടില്‍ വളര്‍ത്തുന്ന നായയുടെ കടിയേറ്റ് വയോധികക്കു പരുക്ക്. കോട്ടാത്തല വയിലിക്കട ചരിപ്പുറത്ത് വീട്ടില്‍ കുഞ്ഞിക്കുട്ടി(90)ക്കാണ് പരുക്കേറ്റത്.
ഇന്നലെ രാവിലെ വീട്ടുമുറ്റത്തു കെട്ടിയിട്ടിരുന്ന നായ് തുടല്‍ പൊട്ടിച്ചെത്തിയാണ് മുറ്റത്തിരുന്ന വൃദ്ധയെ കടിച്ചത്. തലക്കും കൈകള്‍ക്കും പരുക്കേറ്റ വയോധികയെ താലൂക്കാശുപത്രിയിലെ പ്രാഥമിക ചികിത്സയ്ക്കുശേഷം തിരുവനന്തപുരം മെഡിക്കല്‍ കോളജ് ആശുപത്രിയിലേക്കു മാറ്റി.