എടച്ചേരി: റവന്യുജില്ലാ സ്‌കൂള്‍ ഗെയിംസില്‍ ഫുട്‌ബോള്‍ മത്സരത്തില്‍ പുറമേരി രാജാസ് ഹയര്‍ സെക്കന്‍ഡറി സ്‌കൂളിന് ചാംപ്യന്‍ഷിപ്പ് ലഭിച്ചു.
പെണ്‍കുട്ടികളുടെ വിഭാഗം ഫുട്‌ബോള്‍ മത്സരത്തിലാണ് രാജാസ് സ്‌കൂള്‍ ടീം ജേതാക്കളായത്. എതിരില്ലാത്ത ഒരു ഗോളിന് കല്ലാനോട് സെന്റ് മേരീസ് ഹയര്‍ സെക്കന്‍ഡറി സ്‌കൂളിനെ പരാജയപ്പെടുത്തുകയായിരുന്നു.
അശ്വതി കെ.പി പുറമേരിക്ക് വേണ്ടി ഗോള്‍ നേടി. നിസരി (ഗോള്‍ കീപ്പര്‍ ), അശ്വതി എസ്. വര്‍മ, കെ.എം അതുല്യ, ആര്യ കൃഷ്ണന്‍, എ.ടി.കെ അഞ്ജു, മന്യ എന്നിവര്‍ക്ക് ജില്ലാ സ്‌കൂള്‍ ടീമിലേക്ക് സെലക്ഷന്‍ ലഭിച്ചു.