മാള: അണ്ണല്ലൂര്‍ സര്‍വിസ് സഹകരണ ബാങ്കിന്റെ ഒരുവര്‍ഷം നീണ്ടുനിന്ന പ്ലാറ്റിനം ജൂബിലി  ആഘോഷങ്ങള്‍ സമാപിച്ചു. സമാപന സമ്മേളനം അഡ്വ. വി.ആര്‍ സുനില്‍കുമാര്‍ എം.എല്‍.എ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് പി.കെ സുകുമാരന്‍ അധ്യക്ഷനായി. സെക്രട്ടറി എം.ആര്‍ ഇന്ദിര റിപ്പോര്‍ട്ട് അവതരിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് വര്‍ഗ്ഗീസ് കാച്ചപ്പിള്ളി സീനിയര്‍ മെമ്പര്‍മാരെ ആദരിച്ചു. പ്രതിഭകള്‍ക്കുള്ള പുരസ്‌കാരം ജില്ലാപഞ്ചായത്ത് മെമ്പര്‍ കാതറിന്‍ പോള്‍ വിതരണം ചെയ്തു.
മരണാനന്തര സഹായ ഫണ്ടിന്റെ പ്രഖ്യാപനം സഹകരണ  സംഘം ജോയിന്റ് രജിസ്ട്രാര്‍ ടി.കെ സതീഷ് കുമാര്‍ നിര്‍വഹിച്ചു. ചികിത്സാ സഹായം പ്രഖ്യാപനം സഹകരണ സംഘം അസി. രജിസ്ട്രാര്‍ എം.കെ അനില്‍  നിര്‍വഹിച്ചു. മാള ബ്ലോക്ക് പഞ്ചായത്ത് വിദ്യഭ്യാസ സ്റ്റാന്റിങ് കമ്മിറ്റി ചെയര്‍മാന്‍ ടി.പി രവീന്ദ്രന്‍ മുന്‍ പ്രസിഡന്റുമാരെ ആദരിച്ചു. പ്രസിഡന്റ് സി.കെ തിലകന്‍ അവാര്‍ഡുകള്‍ നല്‍കി. അഡ്വ. എം.എസ് വിനയന്‍, അമ്പിളി, സുനിത മനോഹരന്‍, സ്മിത ഫ്രാന്‍സിസ്, രാധ ഭാസ്‌കരന്‍ പ്രസംഗിച്ചു.