നരിക്കുനി: വിവിധ മതങ്ങള്‍ക്കിടയില്‍ നിലനിന്നിരുന്ന സൗഹൃദങ്ങളെക്കുറിച്ചും ഐക്യത്തെകുറിച്ചുമുള്ള പാഠങ്ങളാണ് സിലബസില്‍ ഉള്‍പ്പെടുത്തേണ്ടതെന്ന് തദ്ദേശ സ്വയംഭരണ വകുപ്പ് മന്ത്രി കെ.ടി ജലീല്‍ അഭിപ്രായപ്പെട്ടു.
മടവൂര്‍ സി.എം സെന്ററിന്റെ ഹൈസ്‌കൂള്‍ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചടങ്ങില്‍ കാരാട്ട് റസാഖ് എം.എല്‍.എ അധ്യക്ഷത വഹിച്ചു. പി.ടി.എ റഹീം എം.എല്‍.എ മുഖ്യാതിഥിയായിരുന്നു.
ടി.കെ അബ്ദുറഹ്മാന്‍ ബാഖവി, മടവൂര്‍ ഗ്രാമപഞ്ചായത്ത് പ്രസിഡന്റ് വി സിഅബ്ദുല്‍ ഹമീദ് , പി കോരപ്പന്‍ , വായോളി മുഹമ്മദ് , എ.പി നസ്തര്‍, വി സി റിയാസ് ഖാന്‍, സലീം മടവൂര്‍, സൈനുദ്ദീന്‍ , സലീം മുട്ടാഞ്ചേരി, മുസ്തഫ സഖാഫി മരഞ്ചാട്ടി, ടി.കെ മുഹമ്മദ് ദാരിമി, കെ ആലിക്കുട്ടി ഫൈസി, അഹമ്മദ് കുട്ടി സഖാഫി മുട്ടാഞ്ചേരി സംസാരിച്ചു.