നാദാപുരം: അവധി ദിനം പരിസര ശുചീകരണ പ്രവര്‍ത്തനവുമായി വിദ്യാര്‍ഥികള്‍ റോഡിലിറങ്ങി. വളയം കൊമ്പി എകരത്തു താമസിക്കുന്ന വിദ്യാര്‍ഥികളാണ് പരിസരത്തെ മാലിന്യങ്ങള്‍ നീക്കം ചെയ്തു അവധി ദിനം ചെലവഴിച്ചു മാതൃകയായത്. വളയം കല്ലാച്ചി റോഡിന്റെ ഭാഗമായ ഇവിടെ ഇരുവശവും കാടുമൂടി കിടക്കുന്നതിനാല്‍ അപകടവും പതിവായിരുന്നു. കാടുവെട്ടിയതോടെ അപകട ഭീതിയും ഒഴിവായി.
സല്‍മാന്‍ കെ.സി, റയീസ് എം.പി,  അനസ് കെ.ടി, ജാസ്മിര്‍  കെ.കെ,  ദില്‍ഷാദ് സി.കെ,സഹല്‍ .എ,  മര്‍വാന്‍ സി.പി, അന്‍ഫാല്‍ കെ.ടി,  സജാസ് കെ.കെ, സാലിം വി.പി,  സുഹൈല്‍ വി.പി, ഷബാബ് കെ.പി നേതൃത്വം നല്‍കി.