മലപ്പുറം: സംസ്ഥാന സബ് ജൂനിയര്‍ ഫുട്ബാള്‍ ടൂര്‍ണമെന്റില്‍ മലപ്പുറം സെമിയില്‍. പാലക്കാട്ട് മുട്ടികുളങ്ങര പൊലിസ് മൈതാനിയില്‍ നടക്കുന്ന ഗ്രൂപ്പ് മത്സരങ്ങളിലാണ് മലപ്പുറം സെമി യോഗ്യത നേടിയത്.
ആദ്യ മത്സരത്തില്‍ പത്തനംതിട്ടയെ ഏഴു ഗോളുകള്‍ക്കു തോല്‍പ്പിച്ച മലപ്പുറം പിന്നീട് എറണാംകുളത്തെ നാലു ഗോളുകള്‍ക്കും കണ്ണൂരിനെ ആറു ഗോളുകള്‍ക്കും തോല്‍പ്പിച്ചു. കളിച്ച മത്സരങ്ങളിലെല്ലാം ഹാട്രിക് സ്വന്തമാക്കിയ ശിഖിനിന്റെ മികവിലാണ് മലപ്പുറം സെമിയിലെത്തിയത്. നാളെ വൈകിട്ട് നാലിനാണ് സെമിഫൈനല്‍ മത്സരം.