കൂത്തുപറമ്പ്: മമ്പറം മേഖല സുന്നി മഹല്ല് കോഓര്‍ഡിനേഷന്‍ കമ്മിറ്റിയുടെ നേതൃത്വത്തില്‍ പറമ്പായി ജുമാ മസ്ജിദിനു സമീപം നിര്‍മിക്കുന്ന ഫിഫ്‌ളുല്‍ ഖുര്‍ആന്‍ കോളജിന്റെ ശിലാസ്ഥാപനവും മതപ്രഭാഷണവും പൊതുസമ്മേളനവും നടന്നു. ഞായറാഴ്ച പാണക്കാട് സയ്യിദ് റഷീദലി ശിഹാബ് തങ്ങള്‍ ശിലാസ്ഥാപനം നിര്‍വഹിച്ചു. ലത്തീഫ് ഫൈസി പറമ്പായി അധ്യക്ഷനയി. റിട്ട. ഹൈക്കോടതി ജസ്റ്റിസ് പി.എ മുഹമ്മദ്, പലത്തായി മൊയ്തുഹാജി, ജുനൈദ് സഅദി സംസാരിച്ചു. മമ്പറം എഡുക്കേഷനല്‍ ട്രസ്റ്റ് ഗ്രൗണ്ടില്‍ പൊതുസമ്മേളനം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. കോളജിന് സ്ഥലം സംഭാവന ചെയ്ത റിട്ട. ഹൈക്കോടതി ജഡ്ജ് പി.എ മുഹമ്മദ്,പി.എ മാമു ഖത്തര്‍ എന്നിവരെ പി.പി അബ്ദുല്‍ ഖാദര്‍ മുസ്‌ലിയാര്‍ ആദരിച്ചു. നൗഷാദ് ബാഖവി ചിറയിന്‍കീഴ് മതപ്രഭാഷണം നടത്തി. കെ.പി മുഹമ്മദ് ഹാജി അധ്യക്ഷനായി.
മമ്പറം ദിവാകരന്‍, മമ്പറം മാധവന്‍, കെ.കെ രാജീവന്‍, ഹരീഷ് ബാബു, എം.പി താഹിര്‍, സിദ്ധീഖ് ഫൈസി, സലാം ദാരിമി, ഉസ്മാന്‍ ഹാജി വേങ്ങാട്, ഗഫൂര്‍ ബാഖവി, എം.എം ലത്തീഫ്, കെ.പി അബ്ദുല്‍ സമദ് സംസാരിച്ചു.