ചെന്നൈ: തമിഴ്‌നാട്ടില്‍ ഓടിക്കൊണ്ടിരുന്ന ബസില്‍ യാത്രക്കാരന്‍ വെടിയേറ്റു മരിച്ചു. ഇന്ന് രാവിലെയോടെയാണ് സംഭവമുണ്ടായത്. കോവില്‍പെട്ടി സ്വദേശി കറുപ്പസ്വാമിയാണ് അക്രമികളുടെ വെടിയേറ്റ് മരിച്ചത്. രണ്ട് പേരാണ് ആക്രമണം നടത്തിയത്. അവര്‍ ഉടന്‍ തന്നെ ബസ്സില്‍ നിന്ന് ഇറങ്ങി ഓടി രക്ഷപ്പെട്ടതായി പൊലിസ് പറഞ്ഞു.

മധുരയിലില്‍ നിന്നും 80 കിലോമീറ്റര്‍ അകലെ സത്തൂരിലാണ് സംഭവം നടന്നത്. കൊല്ലപ്പെട്ട കറുപ്പസ്വാമിക്കൊപ്പമാണ് അക്രമികള്‍ ബസില്‍ കയറിയതെന്നാണ് പൊലീസിന്റെ നിഗമനം. ബസ് യാത്ര തുടങ്ങി 25 കിലോമീറ്റര്‍ പിന്നിട്ട ശേഷമാണ് അക്രമികള്‍ കറുപ്പസ്വാമിക്ക് നേര്‍ക്ക് നിറയൊഴിച്ചത്.