കണ്ണൂര്‍: സ്വന്തം മണ്ഡലത്തില്‍ രാഷ്ട്രീയ കൊലപാതകങ്ങള്‍ നടന്നിട്ടും സമാധാനത്തിനു ശ്രമിക്കാത്ത മുഖ്യമന്ത്രി പിണറായി വിജയന്റെ നിലപാട് ആശങ്ക സൃഷ്ടിക്കുകയാണെന്നു ഡി.സി.സി പ്രസഡന്റ് കെ സുരേന്ദ്രന്‍.
മുഖ്യമന്ത്രി എന്ന നിലയില്‍, അതിലുപരി മണ്ഡലത്തിന്റെ ജനപ്രതിനിധി എന്ന നിലയിലെങ്കിലും സമാധാന യോഗം വിളിക്കാന്‍ പിണറായി വിജയന്‍ തയാറാകണം.
കണ്ണൂരില്‍ നിന്നു മുഖ്യമന്ത്രിയടക്കം മന്ത്രിമാര്‍ ഏറെയുണ്ടായിട്ടും ജില്ല ചോരക്കളമാകുമ്പോള്‍ അവരെല്ലാം മുഖംതിരിഞ്ഞ് നില്‍ക്കുകയാണ്.
കേരളത്തിന്റെ ചരിത്രത്തില്‍ ഇന്നേവരെ ഒരു മുഖ്യമന്ത്രിയുടേയും നാട്ടില്‍ ഇതുപോലെ രാഷ്ട്രീയ കൊലപാതകള്‍ നടന്നിട്ടില്ല.
കണ്ണൂരില്‍ സമാധനം പുനഃസ്ഥാപിക്കാന്‍ അടിയന്തര നടപടി ജില്ലാ ഭരണകൂടം കൈക്കൊള്ളണമെന്നും സുരേന്ദ്രന്‍ ആവശ്യപ്പെട്ടു.