ന്യൂഡല്‍ഹി: രാജ്യത്ത് ഏക സിവില്‍ കോഡ് നടപ്പാക്കുന്നതുമായി ബന്ധപ്പെട്ട് പൊതുജനങ്ങളില്‍ നിന്ന് അഭിപ്രായമറിയാനുള്ള നിയമകമ്മിഷന്റെ തീരുമാനത്തെ തള്ളിക്കളഞ്ഞ് മുസ്‌ലിം വ്യക്തി നിയമ ബോര്‍ഡ്. ഏക സിവില്‍ കോഡ് രാജ്യത്തെ ജനങ്ങള്‍ക്ക് സ്വീകാര്യമല്ലെന്നും ബോര്‍ഡ് നേതാക്കള്‍ വാര്‍ത്താ സമ്മേളനത്തില്‍ വ്യക്തമാക്കി.

ജനങ്ങളെ വഞ്ചിക്കാനുള്ള ശ്രമമാണിത്. നിയമ കമ്മിഷന്‍ സ്വതന്ത്ര ബോഡിയായി പ്രവര്‍ത്തിക്കുന്നില്ല. കമ്മിഷന്‍ നിയമവിരുദ്ധ പ്രവര്‍ത്തനത്തില്‍ ഏര്‍പ്പെടുകയാണെന്നും സര്‍ക്കാര്‍ ഏജന്റായി പ്രവര്‍ത്തിക്കുന്നുവെന്നും ബോര്‍ഡ് നേതാക്കള്‍ ആരോപിച്ചു.

ഏക സിവില്‍ കോഡിനെ തങ്ങള്‍ എതിര്‍ക്കും. സ്വന്തം ഭരണത്തിന്റെ പോരായ്മകളില്‍ നിന്ന് ശ്രദ്ധതിരിക്കാന്‍ വേണ്ടിയാണ് മോദി ഏക സിവില്‍ കോഡില്‍ ശ്രദ്ധ ചെലുത്തുന്നതെന്നും നേതാക്കള്‍ വാര്‍ത്താ സമ്മേളനത്തില്‍ പറഞ്ഞു.